തിരുവനന്തപുരം: സ്‌കോള്‍ കേരള മുഖേന തിരഞ്ഞെടുക്കപ്പെട്ട ഹയര്‍സെക്കന്‍ഡറി സ്‌കൂളുകളില്‍ പി.എസ്.സി അംഗീകരിച്ച ഡി.സി.എ (ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍) കോഴ്‌സിന് അപേക്ഷ ക്ഷണിച്ചു. എസ്.എസ്.എല്‍.സിതത്തുല്യ യോഗ്യതയുള്ളവര്‍ക്ക് അപേക്ഷിക്കാം.
റെഗുലര്‍ ഹയര്‍സെക്കന്‍ഡറി പഠനത്തോടൊപ്പം സമാന്തരമായും പഠനം നടത്താനാവും. 4800 രൂപയാണ് ഫീസ്. ഇത് രണ്ടു ഗഡുക്കളായി അടയ്ക്കാം. ആദ്യം അപേക്ഷിക്കുന്നവര്‍ക്ക് മുന്‍ഗണ ലഭിക്കും. അപേക്ഷയും ഫീസ് ഒടുക്കിയ ചെലാന്റെ കോപ്പിയും പ്രവേശനം ലഭിച്ച സ്‌കൂള്‍ പ്രിന്‍സിപ്പാളിന് നല്‍കണം. പുന:പ്രവേശനത്തിന് മുന്‍ പഠനകേന്ദ്രം സ്‌കൂള്‍ പ്രിന്‍സിപ്പാള്‍ മുഖേന അപേക്ഷ നല്‍കണം. മുമ്പ് രജിസ്റ്റര്‍ ചെയ്തവരില്‍ ഫീസ് കുടിശ്ശിക വരുത്തിയിട്ടുള്ളവര്‍ ബാക്കി തുക പുന:പ്രവേശനത്തിന് അപേക്ഷ സമര്‍പ്പിക്കുന്നതോടൊപ്പം അടയ്ക്കണം. വിശദവിവരങ്ങള്‍ സംസ്ഥാന ഓഫിസ് ജില്ലാ ഓഫിസ് ലഭിക്കും.