ടോക്കിയോ: ആണവപരീക്ഷണങ്ങള്‍ നടത്തിയാല്‍ ഉത്തരകൊറിയയെ തുടച്ചുനീക്കുമെന്ന അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ഭീഷണി വകവയ്ക്കാതെ ഉത്തരകൊറിയ. ട്രംപിന്റെ ഈ പരാമര്‍ശത്തെ പട്ടിയുടെ കുരയോടുപമിച്ച ഉത്തര കൊറിയ കൂടുതല്‍ മിസൈല്‍ പരീക്ഷണങ്ങള്‍ നടത്തുമെന്നാണ് റിപ്പോര്‍ട്ട്.
അമേരിക്കയുടെ നീക്കങ്ങളെ ചെറുക്കാന്‍ ഉത്തരകൊറിയ എല്ലാവിധ സന്നാഹങ്ങളും ഒരുക്കുന്നതായാണ് റിപ്പോര്‍ട്ടുകള്‍.
ഇതിനായി ശക്തമായ നിരീക്ഷണമാണ് നടത്തുന്നത്. കൂടുതല്‍ ആണവ പരീക്ഷണങ്ങള്‍ക്ക് ഉത്തരകൊറിയ മുതിരുമെന്നുതന്നെയാണ് വിദഗ്ധരും അഭിപ്രായപ്പെടുന്നത്.
ഉത്തരകൊറിയയുടെ ആണവപരീക്ഷണ വാര്‍ത്തകളോടു പ്രതികരിക്കവേയാണ് കൂടുതല്‍ ആക്രമണങ്ങള്‍ക്കു മുതിര്‍ന്നാല്‍ ഉത്തരകൊറിയയെ തുടച്ചുനീക്കുമെന്നു ട്രംപ് പ്രസ്താവിച്ചിരുന്നത്.