കല്‍പ്പറ്റ: വണ്‍മില്യണ്‍ ഗോള്‍ പരിപാടികളുടെ വിജയകരമായി നടത്തിപ്പിനായി സംഘാടകസമിതിയായി.
ജില്ലതലത്തില്‍ എം.ഐ ഷാനവാസ്, എം.പി, എം.എല്‍.എമാരായ സി.കെ ശശീന്ദ്രന്‍, ഐ.സി ബാലകൃഷ്ണന്‍, ഒ.ആര്‍ കോളു, ജില്ലാ പഞ്ചായത്ത് പ്രസിഡന്റ് ടി ഉഷാകുമാരി, നഗരസഭാ ചെയര്‍പേഴ്‌സന്‍മാരായ ഉമൈബ മൊയ്തീന്‍കുട്ടി, സി.കെ സഹദേവന്‍, വി.ആര്‍ പ്രവീജ് എന്നിവര്‍ രക്ഷാധികാരികളായും, ജില്ലാ കലക്ടര്‍ എസ് സുഹാസ് ഐ.എ.എസ് ചെയര്‍മാനായും, സ്‌പോര്‍ട്‌സ് കൗണ്‍സില്‍ അഡ്മിനിസ്‌ട്രേറ്റീവ് ബോര്‍ഡ് അംഗം ഒ.കെ വിനീഷ് സോണല്‍ മിഷന്‍ കോര്‍ഡിനേറ്ററായും, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം മധു കണ്‍വീനറായും, ജില്ലാ സ്‌പോര്‍ട്‌സ് കൗണ്‍സില്‍ സെക്രട്ടറി സീസര്‍ ജോസ് ജോയിന്റ് കണ്‍വീനറായും കമ്മിറ്റി രൂപീകരിച്ച് പ്രവര്‍ത്തനം ആരംഭിച്ചു. വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ വൈസ് ചെയര്‍മാന്‍മാരായും നഗരസഭ സെക്രട്ടറി കണ്‍വീനര്‍മാരായും നെഹ്‌റു യുവകേന്ദ്ര എന്‍.എസ്.എസ് പ്രതിനിധികള്‍, യൂത്ത് വെല്‍ഫെയര്‍ ബോര്‍ഡ് പ്രതിനിധികള്‍, എന്‍.എസ്.എസ് പ്രോഗ്രാം ഓഫിസര്‍, പൊലിസ് വകുപ്പിന്റെ പ്രതിനിധികള്‍ അംഗങ്ങളായും കമ്മിറ്റികള്‍ രൂപീകരിച്ച് നഗരസഭാതലത്തിലും, പഞ്ചായത്ത് തലത്തിലും വണ്‍മില്യണ്‍ ഗോളിന്റെ പ്രചരണ പരിപാടികള്‍ നടത്തിവരുന്നുണ്ട്.