കൊണ്ടോട്ടി: കരിപ്പൂര്‍ വിമാനത്താവളത്തില്‍ അനധികൃതമായി കടത്താന്‍ ശ്രമിച്ച 10.7 ലക്ഷം രൂപയുടെ സ്വര്‍ണം പിടികൂടി. കോഴിക്കോട് അത്തോളി സ്വദേശിയില്‍ നിന്നാണ് സ്വര്‍ണം കണ്ടെടുത്തത്. ഇന്നലെ രാവിലെ ബഹ്‌റൈനില്‍ നിന്നുള്ള എയര്‍ഇന്ത്യ എക്‌സ്പ്രസ് വിമാനത്തിലാണ് ഇയാള്‍ കരിപ്പൂരിലെത്തിയത്. സംശയം തോന്നി അധികൃതര്‍ നടത്തിയ പരിശോധനയിലാണ് അടിവസ്ത്രത്തിനകത്തും ഷൂസിനുള്ളിലുമായി കടത്താന്‍ ശ്രമിച്ച 350 ഗ്രാം സ്വര്‍ണം കണ്ടെടുത്തത്.കസ്റ്റംസ് അസി. കമ്മിഷണര്‍മാരായ മുഹമ്മദ് റഫീഖ്, രാജേന്ദ്ര ബാബു എന്നിവരുടെ നേതൃത്വത്തിലാണ് സ്വര്‍ണം പിടികൂടിയത്.