തിരുവനന്തപുരം: യമനില്‍ ഭീകരരുടെ പിടിയില്‍നിന്നു മോചിതനായ ഫാദര്‍ ടോം ഉഴുന്നാലില്‍ ഒക്ടോബര്‍ മൂന്നിന് തലസ്ഥാനത്തെത്തും. മുഖ്യമന്ത്രി പിണറായി വിജയനെയും സി.ബി.സി.ഐ പ്രസിഡന്റ് കര്‍ദിനാള്‍ മാര്‍ ക്ലിമീസ് ബാവയേയും അദ്ദേഹം സന്ദര്‍ശിക്കും.
വൈകിട്ട് അഞ്ചിന് നാലാഞ്ചിറ ഗിരിദീപം കണ്‍വന്‍ഷന്‍ സെന്ററില്‍ നടക്കുന്ന ചടങ്ങില്‍ കേരള ജനതയുടെ ആദരം ഫാദര്‍ ടോമിന് നല്‍കും. ചടങ്ങില്‍ മുഖ്യമന്ത്രി പിണറായി വിജയന്‍, മുന്‍ മുഖ്യമന്ത്രി ഉമ്മന്‍ ചാണ്ടി, കര്‍ദിനാള്‍ മാര്‍ ബസേലിയോസ് ക്ലിമ്മീസ് കാതോലിക്കാ ബാവാ എന്നിവര്‍ സംസാരിക്കും.