കാഞ്ഞാര്‍: ഹോട്ടലില്‍ നിന്നും ടി.വി മോഷ്ടിച്ച തൊഴിലാളിയെ പൊലിസ് അറസ്റ്റ് ചെയ്തു. കുളമാവ് കല്ലാരിക്കുന്നേല്‍ സജേഷ് (25) ആണ് പിടിയിലായത്. മൂലമറ്റം കെ.എസ്.ആര്‍.ടി.സി ബസ് സ്റ്റാന്‍ഡിന് സമീപത്തുള്ള കീര്‍ത്തി ഹോട്ടലിലാണ് കഴിഞ്ഞ ദിവസം മോഷണം നടന്നത്. ടൗണിലെ മറ്റൊരു ഹോട്ടലില്‍ ജോലി ചെയ്തു വന്നിരുന്ന ഇയ്യാള്‍ ഒരാഴ്ച്ച മുമ്പാണ് ഇവിടെ ജോലിക്കെത്തിയതെന്ന് പൊലിസ് പറഞ്ഞു. കഴിഞ്ഞ ഏതാനും മാസങ്ങളായി ടൗണിലെ ലോഡ്ജില്‍ താമസിച്ചായിരുന്നു ജോലി ചെയ്തിരുന്നത്. പ്രതിയെ സ്ഥലത്തെത്തിച്ച് തെളിവെടുപ്പ് നടത്തി. പ്രതിയെ ഇന്ന് കോടതയില്‍ ഹാജരാക്കും