പൂനെ: ഐ.എസ്.എല്‍ നാലാം സീസണിനുള്ള എഫ്.സി പൂനെ സിറ്റി ടീമിനെ സെര്‍ബിയക്കാരന്‍ റാങ്കോ പൊപോവിച് പരിശീലിപ്പിക്കും. കരാര്‍ കാലാവധി കഴിഞ്ഞ അന്റോണിയോ ഹെബ്ബാസിന് പകരമാണ് പൊപോവിചിന്റെ വരവ്. കോച്ചിങ് കരിയറില്‍ മികച്ച ഫലങ്ങള്‍ സൃഷ്ടിച്ച പൊപോവിചിന്റെ സാന്നിധ്യം പൂനെയുടെ കളിയില്‍ പ്രതിഫലിക്കുമെന്ന് ഉടമകള്‍ പ്രതീക്ഷിക്കുന്നു. കോച്ചിന്റെ നിയമനം ക്ലബ് ഔദ്യോഗികമായി സ്ഥിരീകരിച്ചിട്ടുണ്ട്. തായ്‌ലന്‍ഡ് ക്ലബ് ബുറിറാം ക്ലബിന്റെ പരിശീലക സ്ഥാനമൊഴിഞ്ഞാണ് ഇന്ത്യയിലേക്ക് വരുന്നത്. നേരത്തെ സരഗോസ, എഫ്.സി ടോക്യോ, സെരസോ ഒസാക ടീമുകളേയും പരിശീലിപ്പിച്ചിട്ടുണ്ട്.