വാടാനപ്പള്ളി: ഏങ്ങണ്ടിയൂര്‍ അഞ്ചാംകല്ലില്‍ നിയന്ത്രണം വിട്ട കണ്ടെയ്‌നര്‍ ലോറിയിടിച്ച് 11 കെ.വി ട്രാന്‍സ്‌ഫോര്‍മര്‍ തകര്‍ന്നു. ഇന്നലെ പുലര്‍ച്ചെ നാലരയോടെ ഏങ്ങണ്ടിയൂര്‍ അഞ്ചാംകല്ല് സെന്ററിലായിരുന്നു അപകടം. എറണാകുളത്ത് നിന്ന് കോഴിക്കോട്ടേക്ക് ടൈല്‍ കയറ്റി പോവുകയായിരുന്ന ലോറിയാണ് അപകടത്തില്‍പ്പെട്ടത്. ട്രാന്‍സ്‌ഫോര്‍മറില്‍ ഇടിച്ച ലോറി സമീപമുള്ള കൂറ്റന്‍ ബദാം മരത്തിലും കെട്ടിടത്തിലും ഇടിച്ചാണ് നിന്നത്.
ലോറിയുടെ ഒരു ഭാഗം പൂര്‍ണമായും തകര്‍ന്നു. ഡ്രൈവര്‍ എറണാകുളം സ്വദേശി ജോസഫ് (45) പരുക്കേല്‍ക്കാതെ അത്ഭുതകരമായി രക്ഷപ്പെട്ടു. ട്രാന്‍സ്‌ഫോര്‍മര്‍ സ്ഥാപിച്ചിരുന്ന നാലു വൈദ്യുതി പോസ്റ്റുകള്‍, ബദാം മരം, സമീപത്തെ കെട്ടിടത്തിന്റെ മേല്‍ക്കൂര തുടങ്ങിയവ പൂര്‍ണമായും തകര്‍ന്നു. ഇടിയുടെ ആഘാതത്തില്‍ ദേശീയപാതയുടെ എതിര്‍ഭാഗത്തെ മറ്റൊരു വൈദ്യുതി പോസ്റ്റും തകര്‍ന്നിട്ടുണ്ട്. അപകടത്തെ തുടര്‍ന്ന് ഏങ്ങണ്ടിയൂര്‍ മേഖലയിലെ വൈദ്യുതി ബന്ധം വിച്ഛേദിക്കപ്പെട്ടു. പുതിയ ഇലക്ട്രിക് പോസ്റ്റുകള്‍ സ്ഥാപിച്ചശേഷം വൈകുന്നേരത്തോടെ യ് ഡ്രൈവര്‍ ഉറങ്ങിപോയതാണ് അപകടത്തിനു കാരണമെന്ന് പറയുന്നു.