ബംഗളൂരു: ഓടുന്ന തീവണ്ടിക്കു മുന്നില്‍ നിന്ന് സെല്‍ഫിയെടുക്കാന്‍ ശ്രമിച്ച മൂന്നു പേര്‍ ചതഞ്ഞു മരിച്ചു. ബംഗളൂരുവില്‍ നിന്ന മുപ്പതു കിലോമീറ്റര്‍ മാറി ബിദാദിയിലാണ് സംഭവം.

ട്രാക്കില്‍ നിന്ന് ഫോട്ടോയെടുക്കുന്നതിനിടെ തീവണ്ടിയുടെ വേഗത്തെ കുറിച്ച് തീര്‍ത്തും അശ്രദ്ധരായിരുന്നു മൂന്നു പേരും. ഇന്ന് രാവിലെ 9.30നും പത്തിനും ഇടയിലാണ് അപകടമുണ്ടായത്.

മൂവരുടേയും ശരീരം തിരിച്ചറിയാന്‍ പറ്റാത്ത രൂപത്തിലാണെന്ന് പൊലിസ് റിപ്പോര്‍ട്ട് ചെയ്യുന്നു.

നേരത്തെയും സംസ്ഥാനത്ത് സെല്‍ഫി ഭ്രാന്തുമൂലമുള്ള അപകടമരണങ്ങള്‍ ഉണ്ടായിട്ടുണ്ട്. ഈ മാസം ആദ്യം സുഹൃത്തുക്കള്‍ സെല്‍ഫിയെടുക്കുന്നതിനിടെ വിദ്യാര്‍ഥി മുങ്ങി മരിച്ചിരുന്നു.