മുംബൈ: ഇന്ത്യയിലെ പ്രമുഖ ഇലക്ട്രോണിക് കമ്പനിയായ ഐബോള്‍ പുതിയ ടാബ് അവതരിപ്പിച്ചു. ഐബോള്‍ സ്ലൈഡ് പെന്‍ബുക്ക് എന്നു പേരിട്ടിരിക്കുന്ന ടാബിന് 24,999 രൂപയാണ് വില.

10.1 ഇഞ്ച് ഫുള്‍ മള്‍ട്ടി എച്ച്.ഡി ഡിസ്‌പ്ലേ, IPS ടെക്‌നോളജി, 5 എം.പി ഓട്ടോ ഫോക്കസ് പിന്‍ ക്യാമറ, 2 എം.പി ഫ്രണ്ട് ക്യാമറ,ഫിംഗര്‍ പ്രിന്റ് സ്‌കാനര്‍,1.92 ജിഗാഹെര്‍ട്‌സ് പ്രൊസസര്‍,2 ജി.ബി റാം,128 ജി.ബി വരെ വര്‍ധിപ്പിക്കാവുന്ന 32 ജി.ബി ഇന്റേണല്‍ സ്റ്റോറേജ് എന്നിവയാണ് പെന്‍ബുക്കിന്റെ സവിശേഷതകള്‍. ആമസോണ്‍ ഓണ്‍ലൈന്‍ സ്‌റ്റോറിലും റീട്ടെയില്‍ സ്‌റ്റോറുകളിലും പെന്‍ബുക്ക് ലഭ്യമാണെന്ന് കമ്പനി വൃത്തങ്ങള്‍ അറിയിച്ചു.