മലപ്പുറം: വേങ്ങര ഉപതെരഞ്ഞെടുപ്പുമായി ബന്ധപ്പെട്ട് നടത്തുന്ന പ്രവചനങ്ങള്‍ക്ക് തെരഞ്ഞെടുപ്പ് കമ്മീഷന്‍ വിലക്കേര്‍പ്പെടുത്തി. ഇതിന്റെ ഭാഗമായി തെരഞ്ഞെടുപ്പ് ദിവസമായ ഒക്ടോബര്‍ 11രാവിലെ ഏഴു മണി മുതല്‍ വൈകിട്ട് 6.30 വരെയുള്ള സമയങ്ങളില്‍ മീഡിയ വഴിയുള്ള എക്‌സിറ്റ് പോള്‍ പ്രവചനങ്ങള്‍ പാടില്ല .തെരഞ്ഞെടുപ്പ് അവസാനിക്കുന്നതിന് മുമ്പുള്ള 48 മണിക്കൂര്‍ സമയത്ത് മീഡിയ വഴിയുള്ള അഭിപ്രായ സര്‍വ്വെ, പോള്‍ സര്‍വ്വെ എന്നിവയും നിരോധിച്ചിട്ടുണ്ട്.

വേങ്ങരയിലെ തെരഞ്ഞെടുപ്പു പ്രചരണം അവസാനഘട്ടത്തിലേത്തിയിരിക്കുകയാണ്. നാളെയാണ് പരസ്യ പ്രചാരണം അവസാനിക്കുക.

കുഞ്ഞാലിക്കുട്ടി പാര്‍ലമെന്റിലേക്ക് പോയതിനെ തുടര്‍ന്നാണ് ഇവിടെ ഉപതെരഞ്ഞടുപ്പ് നടക്കുന്നത്.