കോഴിക്കോട്: മലേഷ്യന്‍ ഇന്റര്‍നാഷനല്‍ യൂനിവേഴ്‌സിറ്റിയില്‍ ഡിസംബറില്‍ സംഘടിപ്പിക്കുന്ന നിര്‍ബന്ധിത കുടിയേറ്റവും അഭയാര്‍ഥി പ്രശ്‌നങ്ങളും എന്ന വിഷയത്തിലുള്ള സെമിനാറില്‍ വിഷയാവതരണത്തിന് കോഴിക്കോട് പാഴൂര്‍ സ്വദേശി മുബശ്ശിര്‍ വാഫിക്ക് അവസരം ലഭിച്ചു. ഡല്‍ഹി ജാമിയ മില്ലിയ്യ സര്‍വകലാശാലയില്‍ ബിരുദാനന്തര ബിരുദ വിദ്യാര്‍ഥിയായ മുബശ്ശിര്‍ വാഫി ഇന്ത്യയിലെ മ്യാന്‍മര്‍ അഭയാര്‍ഥികളും പുനരധിവാസ പ്രശ്‌നങ്ങളും എന്ന വിഷയത്തിലാണ് പ്രബന്ധാവതരണം നടത്തുക. വളാഞ്ചേരി മര്‍കസില്‍ നിന്ന് അറബി ഭാഷയില്‍ വാഫി പി.ജി നേടിയ മുബശ്ശിര്‍ വാഫി പാഴൂര്‍ പടത്തിരിക്കല്‍ അബ്ദുല്‍ഖാദറിന്റെയും നഫീസയുടെയും മകനാണ്.