മേപ്പാടി: ആറ് മാസമായി ശമ്പളം ലഭിക്കാതായതോടെ ഏകാധ്യാപക വിദ്യാലയങ്ങള്‍ എന്നറിയപ്പെടുന്ന ബദല്‍ സ്‌കൂള്‍ അധ്യാപകര്‍ സമരത്തിന് ഒരുങ്ങുന്നു. കഴിഞ്ഞ മാര്‍ച്ച് മാസമാണ് ഇവര്‍ക്ക് അവസാനമായി ശമ്പളം ലഭിച്ചത്.
ശമ്പളം മുടങ്ങിയതോടെ അധ്യാപകരും ഇത്തരം വിദ്യാലയങ്ങളും പ്രതിസന്ധിയിലായി. സംസ്ഥാനത്താകെ 304 വിദ്യാലയങ്ങളില്‍ 307 അധ്യാപകരാണ് ഇതോടെ പ്രതിസന്ധിയിലായിരിക്കുന്നത്. കഴിഞ്ഞ യു.ഡി.എഫ് സര്‍ക്കാര്‍ അധ്യാപകരുടെ മാസ ശമ്പളം പതിനായിരം രൂപയാക്കി ഉത്തരവിറക്കിയിരുന്നു. എന്നാല്‍ വര്‍ധിപ്പിച്ച ശമ്പളമോ നിലവിലുണ്ടായിരുന്ന ശമ്പളമോ ഇവര്‍ക്ക് ലഭിച്ചിട്ടില്ല.
സര്‍ക്കാര്‍ അവഗണനക്കെതിരേ ശക്തമായ സമരത്തിന് ഒരുങ്ങുകയാണ് അധ്യാപകര്‍.  പ്രശ്‌നത്തില്‍ ഇടപെടണമെന്നാവശ്യപ്പെട്ട് മുഖ്യമന്ത്രിക്കുള്‍പ്പടെ നിവേദനം നല്‍കിയിട്ടുണ്ട്.