മാനന്തവാടി: വനം വകുപ്പിന്റെ ജില്ലയിലെ പ്രവര്‍ത്തനങ്ങള്‍ വിലയിരുത്തുന്നതിനും, ഉദ്യോഗസ്ഥരുമായി കൂടികാഴ്ച നടത്തുന്നതിനുമായി വനംവകുപ്പ് അഡീഷണല്‍ ചീഫ് സെക്രട്ടറി പി. മാരാ പാണ്ഡ്യന്‍ ജില്ലയിലെ വിവിധ പ്രദേശങ്ങളില്‍ ഇന്നും നാളെയും സന്ദര്‍ശനം നടത്തും.
 കാട്ടാന വെടിയേറ്റ് ചരിഞ്ഞ സ്ഥലങ്ങളും സെക്രട്ടറി സന്ദര്‍ശിക്കും. ഇന്ന് കാട്ടാന വെടിയേറ്റ് ചരിഞ്ഞ കുറിച്യാട് റേഞ്ചിലെ, നാലാംമൈല്‍, കുറിച്യാട് പുനരധിവാസം, ചെതലയം റെയ്ഞ്ചില്‍ കാട്ടാന വെടിയെറ്റ് ചരിഞ്ഞ കാപ്പി കുന്ന്, കര്‍ണ്ണാടക അതിര്‍ത്തിയായ കൊളവയല്‍, കാട്ടാനശല്യത്തിന് പരിഹാരമായി കല്‍മതില്‍ നിര്‍മിച്ച ചെതലയം റെയ്ഞ്ച് എന്നിവിടങ്ങളിലും നാളെ പഞ്ചാരകൊല്ലി പ്രിയദര്‍ശിനി എസ്റ്റേറ്റ്, തലപ്പുഴ 44ലെ മാതൃക ഫോറസ്റ്റ് സ്റ്റേഷന്‍, കെ.എഫ്.ഡി.സിയുടെ കീഴിലുള്ള കമ്പമല എസ്റ്റേറ്റ് എന്നിവിടങ്ങളും സെക്രട്ടറി സന്ദര്‍ശിക്കും.