പള്ളിക്കല്‍: പഞ്ചായത്തിലെ പള്ളിക്കല്‍ എ.എം.യു.പി സ്‌കൂളില്‍ നടത്തപ്പെടുന്ന 2017-18 വര്‍ഷത്തെ കൊണ്ടോട്ടി ഉപജില്ലാ ശാസ്ത്ര-ഗണിതശാസ്ത്ര-സാമൂഹ്യശാസ്ത്ര-ഐ.ടി പ്രവര്‍ത്തി പരിചയമേളയുടെ ഉദ്ഘാടനം നാളെ 4.ന് നടക്കും.
പള്ളിക്കല്‍ എ.എം.യു.പി സ്‌കൂളില്‍ പി അബ്ദുല്‍ ഹമീദ് എം.എല്‍.എ ഉദ്ഘാടനം ചെയ്യും. 30, 31, ഒക്ടോബര്‍ 1 തിയ്യതികളിലാണ് മത്സരങ്ങള്‍ നടത്തപ്പെടുന്നത്. ശാസ്ത്രമേളയുടെ രജിസ്‌ട്രേഷന്‍ നാളെ രണ്ടിന് ആരംഭിക്കും. പങ്കെടുക്കുന്ന സ്‌കൂളുകള്‍ ഓണ്‍ലൈന്‍ എന്‍ട്രിയുടെ പ്രിന്റുകളുള്‍പ്പെടെ രേഖകളുമായി രണ്ടോടെ തന്നെ എത്തണമെന്നും സ്‌കൂളുകളും ക്ലബുകളും അഫിലിയേഷന്‍ ഫീസും തല്‍സമയം അടക്കണമെന്നും സംഘാടകര്‍ അറിയിച്ചു. യോഗത്തില്‍ സ്‌കൂള്‍ പി.ടി.എ പ്രസിഡന്റ് കണിയാടത്ത് മുജീബ് അധ്യക്ഷനായി. ഗ്രാമ പഞ്ചായത്ത് സ്റ്റാന്റിങ് കമ്മിറ്റി ചെയര്‍മാന്‍ എം അബ്ദുല്‍ ഖാദര്‍, എ.ഇ.ഒ ആഷിഷ്, അധ്യാപകരായ സി.കെ മുഹമ്മദലി, അലി അസ്‌കര്‍ സംസാരിച്ചു.