നിലമ്പൂര്‍: ഡിസംബറില്‍ നടക്കുന്ന നിലമ്പൂര്‍ മര്‍കസ് ദശവാര്‍ഷിക സമ്മേളനത്തിന്റെ പ്രചാരണാര്‍ഥം മഹല്ല് സംഗമങ്ങള്‍ക്ക് തുടക്കമായി. 17 പഞ്ചായത്തുകളില്‍ നടന്ന ലീഡേഴ്‌സ് മീറ്റ് പൂര്‍ത്തിയാകുന്നതോടെയാണ് മര്‍കസിന്റെ സന്ദേശം വീടുകളിലും പൊതുജനങ്ങളിലും എത്തിക്കുക എന്ന ലക്ഷ്യത്തോടെ മഹല്ല് സംഗമങ്ങള്‍ക്ക് തുടക്കമായത്.
കരുളായി മൈലംപാറയില്‍ സ്വാഗതസംഘം ചെയര്‍മാന്‍ അബ്ദുല്‍ അസീസ് മുസ്‌ലിയാര്‍ മൂത്തേടം ഉദ്ഘാടനം ചെയ്തു. സമദ് ഫൈസി, മുജീബ് മുസ്‌ലിയാര്‍ കരുളായി, മുഹമ്മദ് റാഫി മുസ്‌ലിയാര്‍, ഇ.കെ. ഹസൈനാര്‍, ടി.എം ഉമ്മര്‍ മൗലവി സംസാരിച്ചു.
പത്തിനകം പൂര്‍ത്തിയാവുന്ന മഹല്ല് സംഗമങ്ങള്‍ മര്‍കസ് സഹകരണ സമിതി ടി.ടി.ടി അംഗങ്ങളുടെ ലിസ്റ്റ് കൈമാറും.തുടര്‍ന്ന് പത്തിന സമ്മേളനങ്ങള്‍ക്ക് തുടക്കം കുറിക്കും.