തൃക്കരിപ്പൂര്‍: വ്യാപാരിവ്യവസായി ഏകോപന സമിതി തൃക്കരിപ്പൂര്‍ യൂനിറ്റ് സംഘടിപ്പിക്കുന്ന തൃക്കരിപ്പൂര്‍ മഹോത്സവത്തിനു കഴിഞ്ഞ ദിവസം ചേര്‍ന്ന സംഘാടക സമിതി യോഗം പ്രാഥമിക രൂപം നല്‍കി. ഡിസംബര്‍ രണ്ടാം വാരത്തില്‍ ആരംഭിച്ചു മാസാവസാനം വരെ നീളുന്ന മഹോത്സവത്തിന്റെ ഓരോ ദിനങ്ങളിലും കാന്‍സര്‍ രോഗികള്‍ക്കു ചികിത്സാ സഹായം നല്‍കും. സംഘാടക സമിതി ഓഫിസ്, സാമ്പത്തിക സമാഹരണം എന്നിവയുടെ ഉദ്ഘാടനം അടുത്ത ആഴ്ച നടത്തും. ലോഗോ പ്രകാശനവും നടത്തും. വര്‍ക്കിങ് ചെയര്‍മാന്‍ കെ.വി ലക്ഷ്മണന്‍ യോഗത്തില്‍ അധ്യക്ഷനായി. എം.ടി.പി അബ്ദുള്‍ ഖാദര്‍, ജില്ലാ പഞ്ചായത്ത് അംഗം പി.വി പത്മജ, പഞ്ചായത്ത് അംഗം സത്താര്‍ വടക്കുമ്പാട്, വിവിധ സബ് കമ്മിറ്റി ചെയര്‍മാന്‍ കണ്‍വീനര്‍മാരായ അഡ്വ.കെ.കെ രാജേന്ദ്രന്‍, ടി.വി ബാലകൃഷ്ണന്‍, ടി.വി ചന്ദ്രദാസ്, ടി. ഗംഗാധരന്‍, കണ്ണന്‍ ഫോട്ടോ ഫാസ്റ്റ്, അനൂപ്, ഷുക്കൂര്‍ മൈതാനി, ജനറല്‍ കണ്‍വീനര്‍ സി.എച്ച് അബ്ദുല്‍ റഹീം, കണ്‍വീനര്‍ എ.ജി നൂറുല്‍ അമീന്‍, ജോ.കണ്‍വീനര്‍ വി.പി ഗോപാല കൃഷ്ണന്‍, തൃക്കരിപ്പൂര്‍ വൈദ്യുതി സെക്ഷന്‍ ഓഫീസ് അസി. എന്‍ജിനിയര്‍ കെ.സഹജന്‍, ഫായിസ് കവ്വായി എന്നിവര്‍ സംസാരിച്ചു.