മനാമ: പ്രശസ്ത എഴുത്തുകാരന്‍ പുനത്തില്‍ കുഞ്ഞബ്ദുല്ലയുടെ നിര്യാണത്തില്‍ ബഹ്‌റൈന്‍ ഫ്രന്റ്‌സ് കലാ സാഹിത്യ വേദി അനുശോചനം രേഖപ്പെടുത്തി. അനുഭവങ്ങളിലൂടെ എഴുത്തിനെ സമീപിച്ച സാഹിത്യകാരനെയാണു പുനത്തിലിന്റെ നിര്യാണത്തിലൂടെ മലയാളികള്‍ക്ക് നഷ്ട്ടമായതെന്നും തുറന്നെഴുത്തിലൂടെ വായനക്കാരുടെ മനസില്‍ ഇടം നേടിയ കഥാകാരന്‍ കൂടിയായാണ് പുനത്തില്‍ കുഞ്ഞബ്ദുല്ലയെന്നും  യോഗത്തില്‍ അനുസ്മരിച്ചു.

തന്റെ അനുഭവങ്ങളെ ഫലിതത്തിന്റെ മേമ്പൊടി ചേര്‍ത്തതായിരുന്നു അദ്ദേഹം വായനക്കാരില്‍ എത്തിക്കാന്‍ ശ്രമിച്ചതെന്നും യോഗം അനുസ്മരിച്ചു. ഫ്രന്റ്‌സ് കലാസാഹിത്യവേദി രക്ഷാധികാരി ജമാല്‍ നദ്‌വി ഇരിങ്ങല്‍ അദ്ധ്യക്ഷത വഹിച്ച പരിപാടിയില്‍ കലാസാഹിത്യവേദി കണ്‍വീനര്‍ എം അബ്ബാസ് അനുശോചന സന്ദേശം അവതരിപ്പിച്ചു. ജനറല്‍ സെക്രട്ടറി എം എം സുബൈര്‍ സ്വാഗതമാശംസിച്ചു.