തിരുവനന്തപുരം: സി.പി.എമ്മിലെത്തുന്നതിനു മുമ്പ് താന്‍ ആര്‍.എസ്.എസ് പ്രവര്‍ത്തകനായിരുന്നുവെന്ന അനില്‍ അക്കര എം.എല്‍.എയുടെ ആരോപണം നിഷേധിച്ചു വിദ്യാഭ്യാസമന്ത്രി സി.രവീന്ദ്രനാഥ്. ജീവിതത്തിലൊരിക്കലും എ.ബി.വി.പിയുമായി ബന്ധപ്പെട്ടിട്ടില്ലെന്നു മന്ത്രി പറഞ്ഞു.
സി.രവീന്ദ്രനാഥ് കുട്ടിക്കാലത്ത് എറണാകുളം ചേരാനെലൂര്‍ ആര്‍.എസ്.എസ് ശാഖാ അംഗമായിരുന്നുവെന്നും വിദ്യാര്‍ഥിയായിരിക്കെ തൃശൂര്‍ സെന്റ്‌തോമസ് കോളജില്‍ എ.ബി.വി.പിയുടെ ചെയര്‍മാന്‍ സ്ഥാനാര്‍ഥിയായി നോമിനേഷന്‍ നല്‍കിയിരുന്നുവെന്നുമാണ് അനിലിന്റെ ആരോപണം. ബി.ജെ.പി സ്ഥാപക നേതാവ് ദീന്‍ ദയാല്‍ ഉപാധ്യായയുടെ ജന്മശതാബ്ദി സംസ്ഥാനത്തെ വിദ്യാലയങ്ങളില്‍ ആഘോഷിക്കണമെന്ന പൊതുവിദ്യാഭ്യാസ ഡയറക്ടറുടെ സര്‍ക്കുലര്‍ വിവാദമായതിന്റെ പശ്ചാത്തലത്തിലാണ് അനില്‍ അക്കര ഫേസ്ബുക്ക് പോസ്റ്റില്‍ ഈ ആരോപണം ഉന്നയിച്ചത്.