ഭുവനേശ്വര്‍: സെല്‍ഫിയെടുക്കുന്നതിനിടെ സഞ്ചാരികളായ രണ്ടു യുവതികള്‍ പുഴയില്‍ വീണ് മുങ്ങിമരിച്ചു. ഒഡീഷ രായഗഡ ജില്ലയിലെ നാഗബലി പുഴയിലെ തൂക്കുപാലത്തില്‍ നിന്നും ചിത്രമെടുക്കവെയാണ് അപകടമുണ്ടായത്.

ആന്ധ്രപ്രദേശ് വിശാഖപട്ടണം സ്വദേശിനി ഇ. ജ്യോതി (27), വിസിയനഗരം സ്വദേശിനി എസ്. ശ്രീദേവി (23) എന്നിവരാണ് മരിച്ചത്. വിശാഖപട്ടണത്തുനിന്ന് എത്തിയ ഒമ്പതംഗ വിനോദസഞ്ചാരസംഘത്തിലെ അംഗങ്ങളാണ് ഇരുവരും.

പാലത്തില്‍ നിന്നും സെല്‍ഫി എടുത്ത ശേഷം താഴെയുള്ള പാറയില്‍ കയറിയപ്പോള്‍ ഇവര്‍ വഴുതിവീഴുകയായിരുന്നുവെന്ന് പൊലിസ് പറഞ്ഞു. ഇവരുടെ ബന്ധുക്കളെ വിവരമറിയിച്ചിട്ടുണ്ടെന്നും പൊലിസ് അറിയിച്ചു. നാട്ടുകാരുടെ സഹായത്തോടെ അഗ്‌നിശമനസേനാംഗങ്ങളാണ് മൃതദേഹങ്ങള്‍ കരക്കെത്തിച്ചത്.