ദുബൈ: ഏകദിന പരമ്പരയ്ക്ക് പിന്നാലെ ശ്രീലങ്കയ്‌ക്കെതിരായ ടി20 പരമ്പരയും പാകിസ്താന്‍ സ്വന്തമാക്കി. രണ്ടാം ടി20യില്‍ രണ്ട് വിക്കറ്റിന് വിജയിച്ചാണ് പാകിസ്താന്‍ മൂന്ന് മത്സരങ്ങളടങ്ങിയ പരമ്പര 2-0ത്തിന് നേടിയത്. ആദ്യം ബാറ്റ് ചെയ്ത ലങ്ക ഒന്‍പത് വിക്കറ്റ് നഷ്ടത്തില്‍ 124 റണ്‍സെടുത്തപ്പോള്‍ പാകിസ്താന്‍ ഒരു പന്ത് ശേഷിക്കേ എട്ട് വിക്കറ്റ് നഷ്ടത്തില്‍ 125 റണ്‍സെടുത്താണ് വിജയിച്ചത്. പാകിസ്താന് വേണ്ടി ഫഹീം അഷ്‌റഫ് ഹാട്രിക്ക് വിക്കറ്റുകള്‍ നേടി.