കോഴിക്കോട്: കോടിയേരി ബാലകൃഷ്ണനെ അധിക്ഷേപിച്ച് കോണ്‍ഗ്രസ് നേതാവും വയനാട് എം.പിയുമായ എം.ഐ ഷാനവാസ് രംഗത്ത്. തവളയുടെ മുഖത്തോടുപമിച്ചാണ് കോടിയേരിയെ പരിഹസിച്ചത്.

ഐ.എന്‍.ടി.യു.സി സംഘടിപ്പിച്ച പ്രതിഷേധ പരിപാടിയില്‍ സംസാരിക്കുന്നതിനിടെയായിരുന്നു ഷാനവാസിന്റെ പരാമര്‍ശം. ജനജാഗ്രത യാത്രയിലെ ആഢംബര കാര്‍ ഉപയോഗിച്ചതുമായി ബന്ധപ്പെട്ട് പ്രസംഗിക്കുമ്പോഴാണ് കോക്കാച്ചിയുടെ മോന്തയുള്ള കോടിയേരിയെന്ന് അധിക്ഷേപിച്ചത്.

ഷാനവാസിന്റെത് വംശീയമായ ആക്ഷേപമാണെന്ന് ആരോപിച്ച് സി.പി.എം രംഗത്തെത്തിയിട്ടുണ്ട്.