കോഴിക്കോട്: സി.പി.എം ജനറല്‍ സെക്രട്ടറി കോടിയേരി ബാലകൃഷ്ണന്‍ നയിക്കുന്ന ജനജാഗ്രത യാത്രയില്‍ മിനി കൂപ്പറിന്റെ ഉപയോഗം വീണ്ടും വിവാദത്തില്‍. ആഡംബരകാറായ മിനി കൂപ്പര്‍ നികുതി വെട്ടിച്ചാണ് വാങ്ങിയതെന്നാണ് പരാതി. ഈ പരാതിയിന്മേല്‍ കൊടുവള്ളി ജോയിന്റ് ആര്‍.ടി.ഒ കാരാട്ട് ഫൈസലിന് നോട്ടീസ് അയച്ചു. കാറിന്റെ അസല്‍ രേഖകളുമായി ഹാജരാകാനാണ് കാരാട്ട് ഫൈസലിന് ആര്‍.ടി.ഒ നല്‍കിയ നിര്‍ദേശം. കൊടുവള്ളി മുനിസിപ്പല്‍ വൈസ് ചെയര്‍മാന്റെ പരാതിയിന്മേലാണ് നടപടി.

കൊടുവള്ളിയില്‍ ജനജാഗ്രത യാത്രയ്ക്ക് നല്‍കിയ സ്വീകരണത്തിനിടെയാണ് കോടിയേരി ഫൈസലിന്റെ ഉടമസ്ഥതയിലുള്ള മിനി കൂപ്പറില്‍ സഞ്ചരിച്ചത്.