തൃക്കരിപ്പൂര്‍: വിദേശ രാജ്യങ്ങളില്‍ നമ്മുടെ സ്വന്തം മഹാത്മാഗാന്ധിയെ ആദരിക്കാനും ബഹുമാനിക്കാനും മത്സരിക്കുമ്പോള്‍ ഗാന്ധിയുടെ സ്വന്തം രാജ്യത്ത് ഗാന്ധിജിയെ അവഹേളിക്കുന്ന തരത്തിലുള്ള പ്രവര്‍ത്തനങ്ങളാണ് നടന്നുവരുന്നതെന്ന് ജനതാദള്‍(യു) സംസ്ഥാന സെക്രട്ടറി ഷേക്ക് പി ഹാരിസ് അഭിപ്രായപ്പെട്ടു. ജനതാദള്‍ (യു) തൃക്കരിപ്പൂര്‍ പഞ്ചായത്ത് കമ്മിറ്റി സംഘടിപ്പിച്ച ഗാന്ധി ലോഹ്യ ജെ.പി പക്ഷാചരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബ്രിട്ടന്‍ പാര്‍ലിമെന്റിന് മുന്നില്‍ ഗാന്ധിജിയുടെ പ്രതിമ സ്ഥാപിച്ചപ്പോള്‍ ഇന്ത്യയിലെ ഭരണകൂടം ഗാന്ധിയെ വധിച്ച ഗോഡ്‌സേയുടെ പ്രതിമ സ്ഥാപിക്കാനാണ് ശ്രമം നടത്തുന്നതെന്ന് അദ്ദേഹം കൂട്ടിച്ചേര്‍ത്തു. ടി.വി ബാലകൃഷ്ണന്‍ അധ്യക്ഷനായി. പി. കോരന്‍ മാസ്റ്റര്‍ എ.വി രാമകൃഷ്ണന്‍, വി.വി കൃഷ്ണന്‍, വി.കെ ചന്ദ്രന്‍ സംസാരിച്ചു.