ലണ്ടന്‍: ഇംഗ്ലീഷ് പ്രീമിയര്‍ ലീഗിന്റെ പുതിയ സീസണില്‍ നിലവിലെ ചാംപ്യന്‍മാരായ ലെയ്‌സ്റ്റെര്‍ സിറ്റിക്ക് തോല്‍വിയോടെ തുടക്കം. ഒന്നിനെതിരേ രണ്ടു ഗോളുകള്‍ക്ക് ഹള്‍ സിറ്റിയോടാണ് ലെയ്‌സ്റ്റെര്‍ പരാജയപ്പെട്ടത്. ആദം ഡയമണ്ട്, സ്‌നോഡ്ഗ്രാസ് എന്നിവര്‍ ഹള്‍സിറ്റിക്കായി സ്‌കോര്‍ ചെയ്തു. മഹറസാണ് ലെയ്‌സ്റ്റെറിന്റെ ആശ്വാസ ഗോള്‍ നേടിയത്.
മറ്റു മത്സരങ്ങളില്‍ ടോട്ടനത്തെ 1-1ന് എവര്‍ട്ടന്‍ സമനിലയില്‍ തളച്ചപ്പോള്‍ ബേണ്‍ലിയെ എതിരില്ലാത്ത ഒരു ഗോളിന് സ്വാന്‍സിയേയും ക്രിസ്റ്റലിനെ ഇതേ സ്‌കോറിന് വെസ്റ്റ്‌ബ്രോമും പരാജയപ്പെടുത്തി. സ്റ്റോക് സിറ്റി -മിഡില്‍സ്‌ബ്രോ, സതാംപ്ടന്‍-വാട്‌ഫോര്‍ഡ് മത്സരങ്ങള്‍ സമനിലയില്‍ കലാശിച്ചു.