താനൂര്‍: കരിങ്കപ്പാറ പള്ളിപ്പീടികയില്‍ എസ് എഫ് ഐ പ്രവര്‍ത്തകര്‍ സ്ഥാപിച്ച പ്രചാരണ ബോര്‍ഡ് തകര്‍ത്ത നിലയില്‍ . ശനിയാഴ്ച്ച അര്‍ധ രാത്രിയിലാണു സംഭവം. വേങ്ങര ഉപതെരഞ്ഞെടുപ്പ് വേളയിലും പ്രദേശത്തെ സി പി ഐ മ്മിന്റെ കൊടിതോരണങ്ങള്‍ നശിപ്പിച്ചിരുന്നു. പ്രതികള്‍ക്കെതിരെ പോലിസില്‍ പരാതി നല്‍കിയതായി പ്രവര്‍ത്തകര്‍ പറഞ്ഞു. അതേസമയം താനൂരിലും പരിസര പ്രദേശങ്ങളിലും നടക്കുന്ന പല സംഭവങ്ങളിലും അനാവശ്യമായി മുസ്‌ലിം ലീഗിന്റെ പേര് ഉപയോഗിക്കുന്നതും പ്രകോപനം സൃഷ്ടിക്കുന്നതിനു ലീഗിനെ പ്രതിയാക്കുന്ന സി പി എമ്മിന്റെ രീതി അവസാനിപ്പിക്കണമെന്നു ലീഗ് നേതാക്കള്‍ അറിയിച്ചു. സമാധാമായി പോവുന്ന പ്രദേശത്തു സ്വയം പ്രകോപനം സൃഷ്ടിച്ച് ലീഗിനെ പ്രതിസ്ഥാനത്തു കൊണ്ടുവരാന്‍ സി പി എം നടത്തുന്ന ശ്രമങ്ങള്‍ നല്ലപിള്ള ചമയുന്നതിന്റെ ഭാഗമാണെന്നു ലീഗ് നേതാക്കള്‍ പറഞ്ഞു.