കോയമ്പത്തൂര്‍: തൃശ്‌നാപള്ളിക്കടുത്ത മണപ്പാറയില്‍ വാനും ബസും കൂട്ടിയിടിച്ച് വാനില്‍ സഞ്ചരിച്ച എട്ടുപേര്‍ മരിച്ചു. 25 പേര്‍ക്കു പരുക്കേറ്റു. മണല്‍കോണി ഗ്രാമത്തില്‍ നിന്നും ക്ഷേത്രദര്‍ശനത്തിനു പുറപ്പെട്ടവരാണ് അപകടത്തില്‍പെട്ടത്. രാംകുമാര്‍, രത്‌നം, പൊന്നാര്‍, കുറുമായി, നല്ലയ്യ, സുപ്പമാന്‍, പൊന്നമ്മാള്‍, മരുകേശ്വരി എന്നിവരാണ് മരിച്ചത്. മധുരയില്‍ നിന്നും തൃശ്‌നാപ്പള്ളിയിലേക്കു വരികയായിരുന്ന ഓംനി ബസാണ് വാനുമായി കൂട്ടിയിടിച്ചത്.