കൊച്ചി: പുതിയ ചെകുത്താന്റെ അവതാരം കേരളത്തിലെത്തി. റോള്‍സ് റോയ്‌സിന്റെ പുതിയ മോഡല്‍ ആഡംബര കാറായ ഡോണ്‍ ആണ് കൊച്ചിയിലെ ചടങ്ങില്‍ പ്രദര്‍ശിപ്പിച്ചത്.
കേരളത്തിലെ നിരത്തിലെത്തുമ്പോള്‍ ഏകദേശം ആറേകാല്‍ കോടിരൂപ വിലവരും. ഫാന്റം, ഗോസ്റ്റ്, റെയ്ത്ത് എന്നിവയ്ക്കുശേഷം റോള്‍സ് റോയ്‌സ് കരയിലിറക്കുന്ന 'ഡോണ്‍' ഓപ്പണ്‍ ടോപ്പ് ലക്ഷ്വറി കാറുകളുടെ ആദ്യ അധ്യായം എഴുതുകയാണ്. ഇരുപത്തിരണ്ട് സെക്കന്‍ഡില്‍ മേല്‍ക്കൂര നീങ്ങി മറഞ്ഞ് ഓപ്പണ്‍ ടോപ്പാകുന്ന ചെകുത്താന്റെ രൂപപ്പകര്‍ച്ചയില്‍ പുതിയ കഥ തുടങ്ങുകയാണ്.
ലോകത്തിലെ ഏറ്റവും ശബ്ദരഹിതമായ ഫോര്‍ സീറ്റര്‍ ഓപ്പണ്‍ ടോപ്പ് കാറാണിത്. രൂപം മാറുന്ന ആദ്യത്തെ പറക്കും ഭൂതത്തെ കേരളത്തിലെത്തിക്കുന്നത് റോള്‍സ് റോയ്‌സിന്റെ ഏക സൗത്ത് ഇന്ത്യന്‍ ഡീലറായ കുന്‍ എക്‌സ്‌ക്ലൂസീവ് ആണ്.