ഷാര്‍ജ: ഷാര്‍ജ അന്താരാഷ്ട്ര പുസ്തകോത്സവത്തിന് ഇന്ന് തുടക്കമാവും. അല്‍താവൂനിലെ എക്‌സ്‌പോ സെന്ററില്‍ ഇന്ന് രാവിലെ പത്തിന് സുപിംകൗണ്‍സില്‍ അംഗവും ഷാര്‍ജ ഭരണാധികാരിയുമായി ശൈഖ് ഡോ. സുല്‍ത്താന്‍ ബിന്‍ മുഹമ്മദ് അല്‍ ഖാസിമി ഉദ്ഘാടനം ചെയ്യും.
എന്റെ പുസ്തകത്തിനകത്തൊരു പ്രപഞ്ചം എന്ന ശീര്‍ഷകത്തിലാണ് മേള സംഘടിപ്പിക്കുന്നത്. മുന്‍ വര്‍ഷങ്ങളെക്കാള്‍ വിപുലമായ സൗകര്യങ്ങളാണ് പുസ്തകോത്സവത്തിനായി ഒരുക്കിയിരിക്കുന്നത്. 2000 ചതുരശ്ര മീറ്റര്‍ വിസ്തീര്‍ണമുള്ള ഏഴാം നമ്പര്‍ ഹാള്‍ കൂടി വന്നതോടെ മൊത്തം വിസ്തൃതി 27,000 ചതുരശ്ര മീറ്ററായി.