ബുലവായോ: സിംബാബ്‌വെക്കെതിരായ രണ്ടാം ക്രിക്കറ്റ് ടെസ്റ്റില്‍ വെസ്റ്റിന്‍ഡീസിന് ലീഡ്. സിംബാബ്‌വെയുടെ ഒന്നാം ഇന്നിങ്‌സ് സ്‌കോറായ 326 റണ്‍സിന് മറുപടി പറയുന്ന വിന്‍ഡീസ് മൂന്നാം ദിനം കളി നിര്‍ത്തുമ്പോള്‍ ഏഴ് വിക്കറ്റിന് 374 റണ്‍സെന്ന നിലയില്‍. മൂന്ന് വിക്കറ്റുകള്‍ ശേഷിക്കേ അവര്‍ക്ക് 48 റണ്‍സ് ലീഡ്. ഡോവിറിച് (75), ഹോള്‍ഡര്‍ (71) എന്നിവര്‍ പുറത്താകാതെ ക്രീസില്‍. ഒരു ഘട്ടത്തില്‍ ഏഴ് വിക്കറ്റ് നഷ്ടത്തില്‍ 230 റണ്‍സെന്ന നിലയില്‍ വിന്‍ഡീസ് പരുങ്ങിയപ്പോഴാമ് എട്ടാം വിക്കറ്റില്‍ ഡോവ്‌റിച്ച് സഖ്യം സെഞ്ച്വറി കൂട്ടുകെട്ടുമായി അപരാജിതരായി നിലകൊണ്ടത്. നേരത്തെ ആദ്യ ഇന്നിങ്‌സില്‍ മസാകട്‌സ (147) നേടിയ സെഞ്ച്വറിയുടെ കരുത്തിലാണ് സിംബ്ബ്‌വെ ആദ്യ ഇന്നിങ്‌സില്‍ ഭേദപ്പെട്ട സ്‌കോര്‍ സ്വന്തമാക്കിയത്.