ദോഹ: പശ്ചിമേഷ്യയില്‍ ആദ്യമായി അരങ്ങേറുന്ന ഫുട്‌ബോള്‍ ലോകകപ്പ് ഇന്ത്യക്ക് വലിയതോതില്‍ ഗുണപ്രദമാകുമെന്ന് സുപ്രിം കമ്മിറ്റി ഫോര്‍ ഡെലിവറിന്‍ ആന്‍ഡ് ലെഗസി സെക്രട്ടറി ജനറല്‍ ഹസന്‍ അല്‍ തവാദി പ്രമുഖ മാധ്യമത്തോട് പറഞ്ഞു. തങ്ങളുടെ സംസ്‌കാരത്തില്‍ ഇന്ത്യ പ്രമുഖ പങ്ക് വഹിച്ചിട്ടുണ്ട്.
നാട്ടുമൊഴിയില്‍ ഇന്ത്യന്‍ സംസ്‌കാരം കൂടിക്കലര്‍ന്നിട്ടുമുണ്ട്. ലോകകപ്പിന് വേണ്ടിയുള്ള സ്റ്റേഡിയം നിര്‍മാണത്തില്‍ വലിയ ഇന്ത്യന്‍ കമ്പനി പ്രധാന പങ്കാളിയാണ്. ഇന്ത്യന്‍ തൊഴിലാളികളും ലോകകപ്പ് പദ്ധതികളില്‍ പങ്കാളികളാണ്.
മാത്രമല്ല നിരവധി ഉപകരാറുകളും ഇന്ത്യന്‍ കമ്പനികള്‍ക്ക് ലഭിച്ചിട്ടുണ്ടെന്നും അദ്ദേഹം പറഞ്ഞു.