മുബൈ: വാട്‌സ് ആപിന് സമാനമായി ആപ്ലിക്കേഷനുകളില്‍ പുതിയ ഫീച്ചറുകള്‍ കൊണ്ടു വരാനുള്ള ഒരുക്കവുമായി ഡിജിറ്റല്‍ പണമിടപാട് രംഗത്തെ പ്രമുഖരായ പേ ടിഎമ്മും. ജനങ്ങള്‍ക്ക് പരസ്പരം ചാറ്റ് ചെയ്യാനും പണമിടപാടുകള്‍ക്ക് അഭ്യര്‍ഥന നടത്താനും ഇതുവഴി കഴിയുന്ന തരത്തിലാണ് പുതിയ ഫീച്ചര്‍ കൊണ്ടുവരുന്നത്. ആന്‍ഡ്രോയിഡ് ഐ.ഒ.എസ് തുടങ്ങിയ ഓപറേഷന്‍ സിസ്റ്റങ്ങളില്‍ ഇത് ലഭ്യമാകും.
വാട്‌സാപ്പിന് സമാനമായ എന്‍ഡ് ടു എന്‍ഡ് എന്‍ക്രിപ്ഷന്‍ സൗകര്യമാണ് പേ ടിഎം മെസേജിങ്ങിലുമുള്ളത്. ഇതോടൊപ്പം തത്സമയ ലൊക്കേഷന്‍ വിവരങ്ങളും തെറ്റി അയക്കുന്ന മെസേജുകള്‍ ഒഴിവാക്കാനുമുള്ള സൗകര്യവും പുതിയ പേ ടിഎം ആപ്പിലുണ്ടാകും. സാധാരണ വാട്‌സ് ആപ്പിലെ പോലെ ചിത്രങ്ങളും, വീഡിയോകളും ആപ്പിലൂടെ പങ്കുവയ്ക്കാം.