എരുമേലി: സ്വാതന്ത്ര്യദിനാഘോഷവും സെമിനാറും തിങ്കളാഴ്ച്ച രണ്ടു മണിക്ക് എരുമേലിയില്‍ നടത്തുമെന്ന് ഐ.എന്‍.ടി.യു.സി ഭാരവാഹികള്‍ പറഞ്ഞു. നാളെ രാവിലെ എട്ടു മണിക്ക് പൂഞ്ഞാര്‍ നിയോജക മണ്ഡലത്തിലെ ഈരാറ്റുപേട്ട മുനിസിപ്പാലിറ്റിയിലും 9 പഞ്ചായത്തുകളിലെ പ്രധാന കേന്ദ്രങ്ങളിലും മണ്ഡലം പ്രസിഡന്റുമാര്‍ ദേശിയ പതാക ഉയര്‍ത്തും.
ഉച്ചകഴിഞ്ഞ് രണ്ടു മണിക്ക് എരുമേലി പ്രൈവറ്റ് ബസ് സ്റ്റാന്‍ഡിന് എതിര്‍വശത്തുള്ള കെ.ആര്‍. ആശാന്‍ നഗറില്‍ നടക്കുന്ന സ്വാതന്ത്ര്യദിനാഘോഷത്തിലും സെമിനാറിലും ഐ.എന്‍.ടി.യു.സി റീജിയണല്‍ പ്രസിഡന്റ് നാസര്‍ പനച്ചി അധ്യക്ഷത വഹിക്കും.കെ.പി.സി.സി സെക്ട്രറി ഫിലിപ്പ് ജോസഫ് ഉദ്ഘാടനം നിര്‍വഹിക്കും.
ഡി.സി.സി ജനറല്‍ സെക്രട്ടറി പ്രകാശ് പുളിക്കല്‍ സ്വാതന്ത്ര്യ ദിന സന്ദേശം നല്‍കും.ത്രിതല പഞ്ചായത്തു പ്രതിനിധികള്‍ കോണ്‍ഗ്രസ് പോഷക സംഘടനാ നേതാക്കള്‍ ആശംസാ പ്രസംഗള്‍ നടത്തും.പരിപാടിയില്‍ ഇന്ത്യ-പാക് യുദ്ധത്തില്‍ പങ്കെടുത്ത പീരുക്കുട്ടിയെ ആദരിക്കുമെന്ന് ഭാരവാഹികള്‍ പറഞ്ഞു.