ദോഹ: ഖത്തറില്‍ പുതുക്കിയ പെട്രോള്‍, ഡീസല്‍ വില പ്രാബല്യത്തില്‍വന്നു. ഖത്തര്‍ എനര്‍ജിയാണ് (QatarEnergy Announces July Fuel Prices) ഈ മാസത്തെ പുതുക്കിയ ഇന്ധനവില ഇന്നലെ പ്രഖ്യാപിച്ചത്. പുതുക്കിയ നിരക്ക് പ്രകാരം പ്രീമിയം പെട്രോളിന് ലിറ്ററിന് 1.95 ഖത്തരി റിയാല്‍ ആണ് വില. സൂപ്പര്‍ ഗ്രേഡിന് രണ്ടു റിയാലും നല്‍കണം. ഡീസലിന് ലിറ്ററിന് 1.95 റിയാലും ആണ് നിരക്ക്. ജൂണില്‍ പ്രീമിയം പെട്രോള്‍ ലിറ്ററിന് 1.90, സൂപ്പര്‍ ഗ്രേഡിന് 1.95, ഡീസലിന് 1.90 റിയാല്‍ എന്നിങ്ങനെയായിരുന്നു നിരക്ക്. 

പുതിയ നിരക്കുകള്‍

 

രാജ്യാന്തര എണ്ണ വിപണി നിരക്ക് അനുസരിച്ച് ഖത്തര്‍ ഉള്‍പ്പെടെയുള്ള ഗള്‍ഫ് രാജ്യങ്ങളില്‍ ഓരോ മാസവും വില പുതുക്കി നിശ്ചയിക്കാറുണ്ട്. യുഎഇയിലെ ജൂലൈയിലേക്കുള്ള ഇന്ധനവില ഇന്നലെ പ്രഖ്യാപിച്ചപ്പോഴും നേരിയ വര്‍ധനവ് രേഖപ്പെടുത്തി. ഇറാനും ഇസ്‌റാഈലും തമ്മിലുള്ള സംഘര്‍ഷവും തുടര്‍ന്ന് ഇറാനെ ലക്ഷ്യമിട്ട് യുഎസ് നടത്തിയ വ്യോമാക്രമണവും ആഗോള എണ്ണ വില വര്‍ധിക്കാന്‍ കാരണമായിരുന്നു. ഇതാണ് ഖത്തറിലെയും യുഎഇയിലെയും ഇന്ധനവിലയെ ബാധിച്ചത്. 

ALSO READ: ദുബൈ എയര്‍ ടാക്‌സി പരീക്ഷണപ്പറക്കല്‍ വിജയം; ആദ്യ യാത്ര അടുത്തവര്‍ഷം, അഞ്ചു പേര്‍ക്കിരിക്കാം, 320 കി.മി സ്പീഡ്; വന്‍ ഫീച്ചറുകളും | Dubai air taxi

ALSO READ: ഒമാനില്‍ ഇന്ന് മുതല്‍ ആഭ്യന്തര സാമ്പത്തിക ഇടപാടുകള്‍ക്ക് 'ഐബാന്‍' നമ്പര്‍ നിര്‍ബന്ധം

യുഎഇയിലെ പുതിയ നിരക്കുകള്‍

സൂപ്പര്‍ 98 പെട്രോള്‍ലിറ്ററിന് 2.70 ദിര്‍ഹമാണ് ജൂലൈയിലെ നിരക്ക്. ജൂണില്‍ ഇത് 2.58ആയിരുന്നു.

സ്‌പെഷ്യല്‍ 95 ലിറ്ററിന് 2.58 ദിര്‍ഹമാണ് ജൂലൈയിലെ നിരക്ക്. ജൂണില്‍ ഇത് 2.47 ആയിരുന്നു.

ഇ പ്ലസ് 91ലിറ്ററിന് 2.52 ദിര്‍ഹമാണ് ജൂലൈയിലെ നിരക്ക്. ജൂണില്‍ ഇത് 2.39 ദിര്‍ഹമായിരുന്നു.

ഡീസല്‍ലിറ്ററിന് 2.63 ദിര്‍ഹമാണ് ജൂലൈയിലെ നിരക്ക്. ജൂണില്‍ ഇത് 2.45 ദിര്‍ഹമായിരുന്നു.

Qatar Energy announced Monday the prices of fuel across the State of Qatar in July, with increases for diesel, Super Gasoline (95), and Premium Gasoline (91).