മലപ്പുറം: സി.പി.ഐ മലപ്പുറം മണ്ഡലം സമ്മേളനം സംസ്ഥാന കൗണ്‍സില്‍ അംഗം കെ.കെ വത്സരാജ് ഉദ്ഘാടനം ചെയ്തു.
എം.എ റസാഖ്, മുസ്തഫ കൂത്രാടന്‍, എന്‍. ഹക്കീം അടങ്ങിയ പ്രസീഡിയവും സി.എച്ച് നൗഷാദ്, ഷെരീഫ് പുഴക്കല്‍, കെ.പി അബൂബക്കര്‍, പി.സി ബാലകൃഷ്ണന്‍ അടങ്ങിയ സ്റ്റിയറിങ് കമ്മിറ്റിയും സമ്മേളന നടപടികള്‍ നിയന്ത്രിച്ചു. രാഷ്ട്രീയ റിപ്പോര്‍ട്ടിന്മേലുള്ള ചര്‍ച്ചയില്‍ എന്‍.പി വേലായുധന്‍, എം.പി ഹരിദാസന്‍ മാസ്റ്റര്‍, പുളിക്കല്‍ കുഞ്ഞി മുഹമ്മദ്, രാജേന്ദ്രബാബു പന്തല്ലൂര്‍, മുക്കന്‍ അബ്ദുല്‍ റസാഖ് പങ്കെടുത്തു.
എം.പി ഹരിദാസന്‍ അനുശോചന പ്രമേയവും പി.എസ് കൃഷ്ണദാസ് രക്തസാക്ഷി പ്രമേയവും അവതരിപ്പിച്ചു. മുതിര്‍ന്ന പാര്‍ട്ടി നേതാവ് കെ. വാസുദേവക്കുറുപ്പ് പതാക ഉയര്‍ത്തി. സി.പി.ഐ സംസ്ഥാന കൗണ്‍സില്‍ അംഗം പി. സുബ്രഹ്മണ്യന്‍, എ.ഐ.ടി.യു.സി ജില്ലാ സെക്രട്ടറി അഡ്വ. കെ. മോഹന്‍ദാസ്, ജില്ലാ എക്‌സിക്യൂട്ടീവ് അംഗങ്ങളായ പി. കുഞ്ഞിമൂസ, പ്രൊഫ. പി. ഗൗരി സംസാരിച്ചു. എം.കെ പ്രദീപ് മേനോന്‍ സ്വാഗതവും ഷംസു കാട്ടുങ്ങല്‍ നന്ദിയും പറഞ്ഞു.
പ്രതിനിധി സമ്മേളനം ഇന്നു രാവിലെ 10ന് ആരംഭിക്കും. പുതിയ മണ്ഡലം കമ്മിറ്റി തെരഞ്ഞെടുപ്പും നടക്കും.