തേഞ്ഞിപ്പലം: മുപ്പതാമത് റവന്യൂ ജില്ലാ കലോത്സവം ഡിസംബര്‍ 4,5,6,7,8 തിയതികളില്‍ തേഞ്ഞിപ്പലം കാലിക്കറ്റ് സര്‍വകലാശാല കാംപസ് സ്‌കൂളില്‍ നടക്കും.മേളയുടെ വിജയത്തിനായി വിപുലമായ സ്വാഗതസംഘം രൂപീകരിച്ചു. യോഗം പി.അബ്ദുല്‍ ഹമീദ് എം.എല്‍.എ ഉദ്ഘാടനം ചെയ്തു.
ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ അധ്യക്ഷനായി. വൈസ് പ്രസിഡന്റ് സക്കീന പുല്‍പ്പാടന്‍, ജില്ലാ പഞ്ചായത്തംഗങ്ങളായ വി.സുധാകരന്‍, എ.കെ അബ്ദുറഹ്മാന്‍,ഡി.ഡി.ഇ സി.ഐ വല്‍സല സംസാരിച്ചു. പി.അബ്ദുല്‍ഹമീദ് എം.എല്‍.എ ചെയര്‍മാനും ഡി.ഡി.ഇ സി.ഐ വല്‍സല കണ്‍വീനറുമായുള്ള കമ്മിറ്റിക്ക് യോഗത്തില്‍ രൂപം നല്‍കി.