കണ്ണൂര്‍: ജീവന്‍ രക്ഷിക്കാനായി ഓടുന്ന ആംബുലന്‍സുകള്‍ ഇനി കുരുക്കില്‍ കുടുങ്ങില്ല. എലവേറ്റിങ് ആംബുലന്‍സ് എന്ന കണ്ടുപിടുത്തവുമായി എത്തിയിരിക്കുകയാണ് പട്ടാനൂര്‍ ഹയര്‍സെക്കന്‍ഡറി സ്‌കൂളിലെ കെ. റസാനും കെ. മുഷ്‌റഫിനും. വായുമര്‍ദം ഉപയോഗിച്ച് പത്തടിയോളം വാഹനത്തിന്റെ ബോഡി ടയറില്‍ നിന്നു ഉയര്‍ന്നു സഞ്ചരിക്കും. ടയറുകള്‍ 360 ഡിഗ്രി വളക്കാനുമാകും. ഗതാഗതകുരുക്കില്‍പെടാതെ നീങ്ങാന്‍ ഈ മാര്‍ഗം സഹായിക്കുമെന്ന് ഇവര്‍ പറയുന്നു.