കൊണ്ടോട്ടി: സംസ്ഥാന സീനിയര്‍ ഹാന്‍ഡ്‌ബോള്‍ സ്വര്‍ണമെഡല്‍ നേടിയ മൊറയൂര്‍ വി.എച്ച്.എം.എച്ച്.എസ്.എസിലെ വിദ്യാര്‍ഥികള്‍ക്ക് അനുമോദനം. സ്‌കൂളിലെ വിദ്യാര്‍ഥികളായ അനീഷ് ജിഹാന്‍, മുഹമ്മദ് സഫ്‌വാന്‍, ഷാഹിദ് മുബാറക്, മുഹമ്മദ് ശരീഫ്, മുഹമ്മദ് ഷമീം, മുഹമ്മദ് ഹിഷാം, നിഷാന മുബഷിറ, റിസ്‌ല ഫാത്തിമ, നൗഷാത്ത് മോള്‍ എന്നിവരെയാണ് ആദരിച്ചത്.
വിവിധ ക്ലബുകളുടെ സഹകരണത്തോടെ വള്ളുവമ്പ്രത്ത് നിന്ന് സ്‌കൂളിലേക്ക് വിദ്യാര്‍ഥികളെ ആനയിച്ചു. പരിപാടി കാലിക്കറ്റ് സര്‍വകലാശാല കായികവിഭാഗം ഡയറക്ടര്‍ ഡോ. വി.പി സക്കീര്‍ ഹുസൈന്‍ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് കെ.എം സലീം മാസ്റ്റര്‍ അധ്യക്ഷനായി. പ്രിന്‍സിപ്പല്‍ എസ്.സൂരജ്, പി.ടി.എ പ്രസിഡന്റ് ഷരീഫ്, ഹസ്സന്‍ ബഷീര്‍, അബ്ദുല്‍ റസാഖ്,സുഹ്‌റാബി, ടി.പി രവീന്ദ്രന്‍ സംസാരിച്ചു.