റിയാദ്: ബോയിങ് ഇനത്തില്‍ പെട്ട വിമാനം കെട്ടി വലിച്ച് ദുബായ് പൊലിസ് ഗിന്നസ് റെക്കോര്‍ഡ് സ്വന്തമാക്കി. നേരത്തെയുള്ള ഹോങ്കോങ്ങിന്റെ റെക്കോര്‍ഡ് മറികടന്നാണ് ദുബായ് പൊലിസ് ഈ നേട്ടം കൈവരിച്ചത്. എമിറേറ്റ്‌സ് വിമാനത്തിന്റെ എ 380 എന്ന വിമാനം 100 മീറ്റര്‍ കെട്ടിവലിച്ചാണ റെക്കോഡ് കരസ്ഥമാക്കിയത്. ഒരു മാസത്തെ 'ഫിറ്റ്‌നസ് ചാലഞ്ച്' പരിപാടിയുടെ ഭാഗമായാണ് ദുബായ് പൊലിസ് സാഹസത്തിനു മുതിര്‍ന്നത്.
      302.68 ടണ്‍ ഭാരമുള്ള ബോയിങ് വിമാനമാണ് 56 ഉദ്യോഗസ്ഥര്‍ കെട്ടി വലിച്ചത്. സംഭവം ചരിത്രമായതോടെ സംഘത്തിനുള്ള അനുമോദന പത്രം ഗിന്നസ് റെക്കോര്‍ഡ് സംഘം ദുബായ് പൊലിസ് കമാണ്ടര്‍ ഇന്‍ ചീഫ് മേജര്‍ ജനറല്‍ അബ്ദുള്ള ഖലീഫക്കു കൈമാറി.
     നേരത്തെ 2011 ല്‍ ഹോങ്കോങ് അന്താരാഷ്ട്ര വിമാനത്താവളത്തില്‍  ബോയിങ് 747 ഇനത്തില്‍ പെട്ട 218.56 ടണ്‍ തൂക്കമുള്ള വിമാനം നൂറു പേര്‍ കൂടി കെട്ടി വലിച്ച ഹോങ്കോങ് റെക്കോര്‍ഡാണ് ദുബായ് തകര്‍ത്തത്.