നീലേശ്വരം: നീലേശ്വരം വി.എസ് ഓട്ടോസ്റ്റാന്‍ഡിലെ സി.ഐ.ടി യു യൂനിറ്റ് പിരിച്ചു വിട്ടു. നീലേശ്വരം ഏരിയാ ഓട്ടോഡ്രൈവേഴ്‌സ് യൂനിയന്‍(സി.ഐ.ടി.യു)വാണ് ഇക്കാര്യം അറിയിച്ചത്.
ഏരിയക്കു കീഴിലെ മുഴുവന്‍ യൂനിറ്റുകളിലെയും സമ്മേളനങ്ങള്‍ നടന്നിരുന്നെങ്കിലും മേല്‍ക്കമ്മിറ്റി ആവര്‍ത്തിച്ച് ആവശ്യപ്പെട്ടിട്ടും വി.എസ് ഓട്ടോസ്റ്റാന്‍ഡ് ഉള്‍പ്പെടുന്ന ബസ് സ്റ്റാന്‍ഡ് യൂനിറ്റ് ഭാരവാഹികള്‍ മാത്രം സമ്മേളനം നടത്താന്‍ തയാറായില്ല. സമ്മേളനം പൂര്‍ത്തിയാക്കാതെ ഏരിയാ സമ്മേളനം നടത്താന്‍ വഴിയില്ലാത്തതിനാല്‍ വി.എസ് ഓട്ടോസ്റ്റാന്‍ഡിലെ സി.ഐ.ടി.യു യൂനിറ്റ് പിരിച്ചുവിടുകയായിരുന്നു.
സംഘടനാ വിരുദ്ധ പ്രവര്‍ത്തനം തുടര്‍ന്നും അനുവദിക്കില്ലെന്നും ഏരിയാ കമ്മിറ്റി മുന്നറിയിപ്പു നല്‍കിയിട്ടുണ്ട്. ഇതിനൊപ്പം ഏരിയാ സമ്മേളനം ഡിസംബര്‍ ഒന്‍പതിനു നീലേശ്വരത്തു നടത്താനും തീരുമാനിച്ചിട്ടുണ്ട്.