കായംകുളം: ബൈക്കില്‍ ടാങ്കര്‍ ലോറിയിടിച്ച് ബൈക്ക് യാത്രക്കാരായ രണ്ട് യുവാക്കള്‍ മരിച്ചു. കൊല്ലം മുണ്ടയ്ക്കല്‍ ശരവണഭവനില്‍ ഷണ്‍മുഖരാജിന്റെ മകന്‍ ശരവണന്‍ (21) കൊല്ലം മയ്യനാട് കൈലാസ് ഭവനില്‍ മധുവിന്റെ മകന്‍ കൈലാസ് മധു(22) എന്നിവരാണ് മരിച്ചത് .
ഇന്നലെ പുലര്‍ച്ചെ രണ്ടര മണിയോടെ ദേശീയ പാതയില്‍ കെ.എസ്.ആര്‍.ടി. സി ജങ്ഷനു സമീപമായിരുന്നു സംഭവം. അപകടത്തില്‍ ഗുരുതരമായി പരുക്കേറ്റ ഇരുവരെയും താലൂക്കാശുപത്രിയിലും തുടര്‍ന്ന് ആലപ്പുഴ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. ആലപ്പുഴ ഭാഗത്തു നിന്ന് വരികയായിരുന്നു. സുഹൃത്തുക്കളായ ഇവരെ എതിരേ വന്ന ടാങ്കര്‍ ലോറി ഇടിക്കുകയായിരുന്നു. ശരവണന്‍ അഞ്ചലില്‍ ബേക്കറി ജീവനക്കാരനാണ്. കൈലാസ് ഹോട്ടല്‍ മാനേജ്‌മെന്റ് പഠനം പൂര്‍ത്തിയാക്കിയ ആളാണ്.