ബ്ഗ്ദാദ്: ഐ.എസിന്റെ ഇറാഖിലെ അവസാന കേന്ദ്രവും തിരച്ചുപിടിച്ച് സൈന്യം. ഐ.എസിന്റെ അവസാന കേന്ദ്രമായ റവ മോചിതമാക്കിയെന്നും ഇറാഖിന്റെ പതാക ഇവിടങ്ങളില്‍ ഉയര്‍ത്തിയെന്നും ലഫ്റ്റനന്റ് ജനറല്‍ അബ്ദുല്‍ അമീര്‍ റഷീദ് യാറല്ലാഹ് പറഞ്ഞു.
അബൂബക്കര്‍ അല്‍ ബഗ്ദാദി 2014ല്‍ ഇറാഖിലാണ് ആദ്യമായി ഐ.എസിന്റെ പ്രഖ്യാപനം നടത്തിയത്.
സിറിയയുമായി അതിര്‍ത്തി പങ്കിടുന്ന പ്രദേശമായ റവ കീഴടക്കിയതോടെ ഇറാഖില്‍ നിന്ന് പൂര്‍ണമായും ഐ.എസ് മുക്തമായെന്ന് പറയാന്‍ കഴിയുമെന്ന് സൈനിക വക്താവ് പറഞ്ഞു.
2014 മുതലമാണ് ഇറാഖിലെയും സിറിയയിലെയും പ്രധാന നഗരങ്ങള്‍ ഉള്‍പ്പടെയുള്ള പ്രദേശങ്ങള്‍ പിടിച്ചെടുത്തതായി ഐ.എസ് അവകാശപ്പെട്ടത്.
തുടര്‍ന്ന് നടന്ന പോരാട്ടത്തിലൂടെയാണ് ഇറാഖ് സൈന്യത്തിന്റെ ഇപ്പോഴത്തെ വിജയം.