ന്യൂഡല്‍ഹി: ഡിസംബര്‍ അഞ്ചിനു മുന്‍പ് രാഹുല്‍ ഗാന്ധി കോണ്‍ഗ്രസ് അധ്യക്ഷനാകുമെന്ന് സൂചന. ഡിസംബര്‍ അഞ്ചിനോ അതിനു മുന്‍പോ രാഹുല്‍ ഗാന്ധി സ്ഥാനമേറ്റെടുക്കുമെന്നാണ് വിവരം. ഇതു സംബന്ധിച്ച് ഇനി കാലതാമസം വേണ്ടെന്നാണ് കോണ്‍ഗ്രസ് തീരുമാനം. തിങ്കളാഴ്ച ചേരുന്ന കോണ്‍ഗ്രസ് വര്‍ക്കിങ് കമ്മിറ്റിയില്‍ രാഹുല്‍ ഗാന്ധിയെ അധ്യക്ഷസ്ഥാനത്തേക്കുയര്‍ത്തി പ്രമേയം പാസാക്കുമെന്നാണ് വിവരം. 1998 മുതല്‍ സോണിയ ഗാന്ധിയാണ് കോണ്‍ഗ്രസ് അധ്യക്ഷ. ദേശീയമാധ്യമങ്ങളാണ് ഇതു സംബന്ധിച്ച് വാര്‍ത്ത റിപ്പോര്‍ട്ട് ചെയ്തിരിക്കുന്നത്.