ന്യൂഡല്‍ഹി: ബോളിവുഡ് താരം രാഹുല്‍ റോയ് ബി.ജെ.പിയില്‍ ചേര്‍ന്നു. കേന്ദ്രമന്ത്രി വിജയ് ഗോയലിന്റെ സാന്നിധ്യത്തില്‍ ന്യൂഡല്‍ഹിയിലെ പാര്‍ട്ടി ആസ്ഥാനത്തായിരുന്നു രാഹുലിന് സ്വീകരണം. പാര്‍ട്ടി അംഗത്വം ലഭിച്ച രാഹുല്‍ നേതൃത്വത്തോട് നന്ദി പറഞ്ഞതോടൊപ്പം ഇത് തന്നെ സംബന്ധിച്ച് അവിസ്മരണീയമായ ദിവസമാണെന്നും വ്യക്തമാക്കി. പ്രധാനമന്ത്രി നരേന്ദ്രമോദിയും പാര്‍ട്ടി അധ്യക്ഷന്‍ അമിത് ഷായും രണ്ടു വര്‍ഷമായി ലോകത്തിനു മുന്നില്‍ ഇന്ത്യക്കുണ്ടാക്കിക്കൊടുത്ത സ്ഥാനമാണ് തന്നെ ഈയൊരു തീരുമാനമെടുക്കാന്‍ പ്രരിപ്പിച്ചതെന്ന് രാഹുല്‍ വ്യക്തമാക്കി. രാജ്യത്തിന്റെ വികസനത്തിനായി തന്നാലാവുന്നത് ചെയ്യാന്‍ താല്‍പ്പര്യമുണ്ടെന്നും രാഹുല്‍ റോയ് വ്യക്തമാക്കി.