തൊടുപുഴ: ദക്ഷിണ കേരള ജംഇയ്യത്തുല്‍ ഉലമ തൊടുപുഴ താലൂക്ക് കമ്മിറ്റിയുടെയും പോഷക സംഘടനകളുടെയും സംയുക്താഭിമുഖ്യത്തില്‍ ഇന്ന്  തൊടുപുഴയില്‍ സ്വാതന്ത്ര്യദിന അനുസ്മരണ സംഗമം നടക്കും.
 വൈകിട്ട് 5 ന്  തൊടുപുഴ ജ്യോതി സൂപ്പര്‍ ബസാറിന് സമീപം  ഡി.കെ.ജെ.യു ജില്ലാ പ്രസിഡന്റ് പി.പി ഇസഹാഖ് മൗലവിയുടെ അധ്യക്ഷതയില്‍ നടക്കുന്ന സമ്മേളനം ഇമാം കൗണ്‍സില്‍ ചെയര്‍മാന്‍ കടയ്ക്കല്‍ അബ്ദുല്‍ റഷീദ് മൗലവി ഉദ്ഘാടനം ചെയ്യും.
ഡി.കെ.ജെ.യു ജില്ലാ സെക്രട്ടറി ഷെഹീര്‍ മൗലവി ആമുഖപ്രഭാഷണവും  ഹാഫിസ് അഫ്‌ളല്‍ ഖാസിമി മുഖ്യപ്രഭാഷണം നടത്തും.
അബ്ദുല്‍ ഗഫൂര്‍ നജ്മി വിഷയാവതരണം നടത്തും.  പി.എ സെയ്തുമുഹമ്മദ് മൗലവി, ഇല്യാസ് മൗലവി, തൊടുപുഴ ടൗണ്‍ മസ്ജിദ് ഇമാം ഇംദാദുള്ള മൗലവി, എ.എം സുബൈര്‍ മൗലവി  ആശംസയര്‍പ്പിക്കും.