കൊല്ലം: ലാല്‍ ബഹദൂര്‍ശാത്രി സ്റ്റേഡിയത്തില്‍ ഇന്ന് നടക്കുന്ന കൊല്ലം ജില്ലാതല സ്വാതന്ത്ര്യ ദിനാഘോഷപരിപാടിയില്‍ മന്ത്രി ജെ മേഴ്‌സിക്കുട്ടിയമ്മ പതാക ഉയര്‍ത്തും.
ആഘോഷ പരിപാടികള്‍ക്കുള്ള ഒരുക്കങ്ങള്‍ പൂര്‍ത്തിയായതായി ജില്ലാ കലക്ടര്‍ എ ഷൈനാമോള്‍ അറിയിച്ചു. പൊലിസ്, എക്‌സൈസ്, ഫോറസ്റ്റ് ഗാര്‍ഡ്‌സ്, ഫയര്‍ ആന്റ് റസ്‌ക്യൂ, എന്‍.സി.സി, സ്‌കൗട്ട് ആന്റ് ഗൈഡ്‌സ്, റെഡ്‌ക്രോസ്, ബാന്‍ഡ് ട്രൂപ്പ്, സ്റ്റുഡന്റ് പൊലിസ് എന്നീ വിഭാഗങ്ങള്‍ അണിനിരക്കുന്ന പരേഡിന്റെ അഭിവാദ്യം മന്ത്രി സ്വീകരിക്കും. മുഖ്യമന്ത്രിയുടെ പൊലിസ് മെഡല്‍ ചടങ്ങില്‍ സമ്മാനിക്കും. മേയര്‍ വി രാജേന്ദ്രബാബു സ്വാതന്ത്ര്യസമര സേനാനികളെ ആദരിക്കും.
സര്‍ക്കാര്‍ ജീവനക്കാരും പൊതുജനങ്ങളും പങ്കെടുത്ത് സ്വാതന്ത്ര്യദിനാഘോഷം വിജയകരമാക്കണമെന്ന് ജില്ലാ കലക്ടര്‍ അറിയിച്ചു.