തിരുവനന്തപുരം: വിവാദമായ എസ് ദുര്‍ഗ സിനിമയുടെ സെന്‍സര്‍ഷിപ്പ് റദ്ദാക്കി. സിനിമയുടെ പേരു സംബന്ധിച്ച് വീണ്ടും പരാതി ലഭിച്ചതിന്റെ അടിസ്ഥാനത്തിലാണ് സെന്‍സര്‍ഷിപ്പ് റദ്ദാക്കിയത്. സെന്‍സര്‍ഷിപ്പ് റദ്ദാക്കിയുള്ള ഉത്തരവ് സംവിധായകന് കൈമാറി.

അതേസമയം, ജൂറിക്കെതിരേ വീണ്ടും കോടതിയെ സമീപിക്കുമെന്നും ജൂറി സെന്‍സര്‍ ബോര്‍ഡിനോട് അഭിപ്രായം ചോദിച്ചത് വിചിത്രമാണെന്നും സിനിമയുടെ സംവിധായകന്‍ സനല്‍കുമാര്‍ ശശിധരന്‍ പറഞ്ഞു.

നേരത്തെ ഗോവന്‍ ചലചിത്ര മേളയില്‍ സിനിമക്ക് പ്രദര്‍ശനാനുമതി കേന്ദ്ര സര്‍ക്കാര്‍ നിഷേധിച്ചിരുന്നു. എന്നാല്‍ സിനിമ ഐ.എഫ്.എഫ്.കെയില്‍ പ്രദര്‍ശിപ്പിക്കുമെന്ന് കേരള ചലചിത്ര അക്കാദമി ചെയര്‍മാന്‍ കമല്‍ അറിയിച്ചിരുന്നു. എന്നാല്‍ അതിനും ഇപ്പോള്‍ അനിശ്ചിതത്വമുണ്ടായിരിക്കുകയാണ്.