അമരാവതി: ഗൂഗിളിന് ഒരിക്കലും ഗുരുവിനെ പകരം വയ്ക്കാനാവില്ലെന്ന് ഉപരാഷ്ട്രപതി വെങ്കയ്യ നായിഡു. ആന്ധ്രപ്രദേശിലെ അമരാവതിയില്‍ ഒരു പരിപാടിയില്‍ സംബന്ധിക്കവേയാണ് അദ്ദേഹത്തിന്റെ പരാമര്‍ശം.

''ഗുരു വെറും അക്കാദമിക കാര്യങ്ങള്‍ മാത്രമല്ല നല്‍കുന്നത്. ഉള്‍ക്കാഴ്ചയും കൂടി നല്‍കുന്നു''- ഉപരാഷ്ട്രപതി പറഞ്ഞു.

സമൂഹത്തെ മാറ്റിയെടുക്കുന്നതില്‍ അധ്യാപകര്‍ പ്രധാന പങ്കുവഹിക്കുന്നുണ്ടെന്ന് ഈ മാസം 11ന് ഒഡിഷയില്‍ അദ്ദേഹം പറഞ്ഞിരുന്നു. അവര്‍ക്കു പകരമാക്കാന്‍ മറ്റൊന്നിനും ആവില്ലെന്നും അദ്ദേഹം പറഞ്ഞിരുന്നു.

ഒരു രാജ്യത്തിന്റെ ഭാവി കെട്ടിപ്പടുക്കുന്നത് ക്ലാസ് മുറികളിലാണ്. ജോലിക്കു വേണ്ടിയുള്ള വിദ്യാഭ്യാസത്തിന് പ്രസക്തിയില്ല. മറിച്ച് വിമോചനത്തിനും ശാക്തീകരണത്തിനും സഹാനുഭൂതിക്കും വേണ്ടിയാകണം അതെന്നും അദ്ദേഹം പറഞ്ഞു.