തേഞ്ഞിപ്പലം: രണ്ട് ദേശീയ താരങ്ങള്‍ ഒരേ ഇനത്തില്‍ മത്സരത്തിനിറങ്ങിയപ്പോള്‍ കാഴ്ച്ചക്കാര്‍ വലിയ ആവേശത്തിലായിരുന്നു. പരിചയ സമ്പന്നയായ ചിത്രയും ദേശീയ സ്‌കൂള്‍ മീറ്റ് ജേതാവായ ബബിതയും 1500 മീറ്ററില്‍ ഏറ്റുമുട്ടിയപ്പോള്‍ ജയം ചിത്രക്കൊപ്പമായിരുന്നു.
അവസാന നിമിഷം വരെ ഇഞ്ചോടിഞ്ച് പോരാടാന്‍ ബബിതക്കായി. എന്നാല്‍ അവസാന റൗണ്ടില്‍ ചിത്ര മികവ് പുലര്‍ത്തുകയായിരുന്നു.
4.30 സെക്കന്‍ഡില്‍ ഫിനിഷ് ചെയതപ്പോള്‍ പഴങ്കഥയായത് 2001 സിനിമോള്‍ പൗലോസ് സ്ഥാപിച്ച റെക്കോര്‍ഡാണ്. 4.41.80 സെക്കന്‍ഡായിരുന്നു ഇവരുടെ സമയം. രണ്ടാം സ്ഥാനം നേടിയ ബബിതയും സിനി പൗലോസിനെ മറികടന്നു. 4.33.42 സെക്കന്‍ഡിലാണ് ബബിത ഫിനിഷ് ചെയ്തത്. ഇരുവരും അന്തര്‍ ദേശീയ മത്സരങ്ങളില്‍ മികവ് പുലര്‍ത്തിയവരാണ്.