ശ്രീനഗര്‍: ജമ്മു കശ്മിരിലെ ബുദ്ഗാമില്‍ സുരക്ഷാസേനയും ഭീകരരും തമ്മില്‍ ഏറ്റുമുട്ടല്‍. ഭീകരര്‍ ഒളിച്ചിരിക്കുന്നതായി വിവരം ലഭിച്ചതിനെ തുടര്‍ന്ന് സുരക്ഷാസേന നടത്തിയ തെരച്ചിലിനിടെ ഭീകരര്‍ വെടിയുതിര്‍ക്കുകയായിരുന്നു. മൂന്ന് ഭീകരരാണ് മേഖലയില്‍ ഒളിച്ചിരിക്കുന്നതെന്നാണ് വിവരം. വ്യാഴാഴ്ച്ച പുലര്‍ച്ചെ ആരംഭിച്ച ഏറ്റുമുട്ടല്‍ ഇപ്പോഴും തുടരുകയാണ്.

സൈന്യവും കശ്മിര്‍ പൊലിസും സംയുക്തമായാണ് ഭീകരരെ നേരിടുന്നത്. മേഖലയില്‍ ഇന്റര്‍നെറ്റ് സേവനം താല്‍ക്കാലികമായി നിര്‍ത്തിവെച്ചിട്ടുണ്ട്.